الحقونا الاسعار نار

وانا زيك عاوزة ازوج البنت ومش لاقيه


اجيب منين التلاجة ويا البتوحاز

قلتلها لو عاوزك صحيح فى الحال

اوضه فوق السطوح وكنبه وقلة ودولاب

لاجل تحطى هدومك بدل ما تكلها العته ويا التراب

والوابور يغنى عن البتوجاز

وحله واحدة وطبق ان شاله يكون نحاس

وادى حال الناس ويا حكومة الريس بنحاس

وادي ريما عادت لقعدتها القديمة

مشكاح خلاص حط ايده في الشق

لا يقدر يحل ولا يربط ولا يقول الحق

اصل اللسان اتشال وحطه عليه القفل

والقفل اصله صعيدي عمره ما يندق

وبعد الكباب والكبوبية والكيكه والجاتوهات

وبعد الفواكه واكلة االبانيهات

عادت ريما لعادتها تطبخ بعدس وفول

وبعد مافازت ببطاقة زيت ما يصلح العربات

ورز اسمه كده كسر وكل تراب

والسكر احلي ما تقوله عنه انه سواد

والاسم بطاقة زكية تظبط البهوات

عليه باذن الله تصرف كمان ستات

مضت علينا سنين بس مش سبعة عجاف

اخوكي بليد في الحساب والخوف لاكون كداب

واقعد اعد ثاني وتبقي حياتنا جفاف

ونورث ويا همنا نورث ستين سنة عجاف

نقعد ندور علي الخضر ما نلاقي في الروايات

ولا حتي يوسف يقدر يعدل في الاقوات

ارفع اكف الضراعة وادعي رحيم رحمان

يستر علينا يارب وترجع لنا البركات

واسلم الحلول نسرح الوزرات

ونحل مجلس شعبنا ونحرق القرارت

ونبدئ من الاول صفحة بياض في بياض