شعر حلمنتيشى

الأعضاء تاريخ التسجيل : 30/09/2009 العمر : 63

استاذنا مقامه كبير

فى الهلس مزاجه يميل

ما يفكر الا فى نفسه

ومينظرش لأى زميل

تلاقيه دايما هيمان

ومعندوش داء التوهان

عايز دايما واحد جنبه

يتسلطن ويبقى تمام

ولما تطرى القعده معاه

تسمع منه احلى كلام

تلاقيه بكلامه المعسول

ياكل عقلك كده على طول

ويماتى على هذا الحال

لما يكون رايق البال

المدير العام تاريخ التسجيل : 28/09/2009

استاذنا مقامه كبير

في الهلس و التاليف

تاخذ منه كلام

و كلام

وقت الجد تلقيه هربان

عايش مع نفسه

في برجه العاجي

فاكر

أنه سيف بتار

في زمن

الفساد اللعين

الأعضاء تاريخ التسجيل : 30/09/2009 العمر : 63

وعلشان هو استاذ كبير

فى فن الهروب والزوغان

لما يلاقى نقسه انكشف

يروح ويعمل عيان

اصل اللى زيه ملوش فى الجد سكه

لان افكاره هايفه وخايبة

يعرف ينكت ويتريق

على كل شريف له بصمة

وقال عامل فيها بطل

وهو واحد ولا يسوى

اصل استاذنا كبير

فى الهلس ملوش مثيل

ملك الشعر تاريخ التسجيل : 20/11/2010 العمر : 59

طب مين الاستاذ مين
و رفيع و لا تخين
و ملامحة عاملة ازاى
ما تقولوا بلاش تخمين

طب عمره مثلا كام
و بيركب اى ترام
و قولوا لنا و لو حرفين
من اسمه ضرورى قوام

و قولوا لنا كاتب ايه
و احكوا لنا شوية عليه
و هانعرف من حكاويكم
يبقى اسم المحروس ابه

الأعضاء تاريخ التسجيل : 30/09/2009 العمر : 63

والمحروس اسمه الروتين

من قاعدة المكتب له كرش كبير

متخفى ورا نظاره لها حجر كبير وتخين

علشان يعرف ياكل بيها تمام

ويشترى باللى تحت الورق كام جوز حمام

كى ينتش ريشه ريشة ريشة
ويحلف لك انه غليان

ومن قلة الاكل كمان هفتان

وفوت علينا بكره ياسيد

يمكن الورق يبقى كويس

اصل حبيبنا ده استاذ

وفى تعطيل الورق ملوش مثيل

استاذ كبير المقام

وا خذ مقلب اخر تمام

نازل كل يوم تاليف

مسكين عامل

نفسه رئيس

في الديوان

مظبط الروتين

علي مقاسه

وبكل قياس

ملك الشعر تاريخ التسجيل : 20/11/2010 العمر : 59

توهتونا يا خلق حرام
مره تقولوا مقامه مقام
و اما نقرب نعرف مين
فجاه نلاقى بداله كلام

قلتوا روتينى و كرشه كبير
و بنظارته برضه ضرير
قلت خلاص قربنا خلاص
القى كلامكم فيه تغير

قلتوا عليه فى وظيفته رئيس
و بيقضى لمصالح الناس
و الله يشوفوا فاكروا ملاك
بس حقيقته كان ابليس

قولوا حقيقته و ما تخبوش
يمكن نلقى زيه ما فيش
و ان كان يطلع شخص جبان
يبقى نسيبه و ما نروحلوش

و احنا ساعتها هانضرب فيه
فى التحرير بكره نربيه
يوم الحمعه هانبقى هناك
و اسم الجمعة باسم البيه

الأعضاء تاريخ التسجيل : 27/05/2011 العمر : 37

انا عرفت هوا مين
اكيد اكيد عارف مين
فى مستشفى شرم
مشرف
وهوا ده اصل الروتين

الأعضاء تاريخ التسجيل : 30/09/2009 العمر : 63

لو كنت عرفته مش حتصدق لان فيه زيه كتير

من اكبر واحد لاصغرهم هم للاوامر منفذين

اذا كان كبيرهم حرامى وهما وراه حيكلوا منين

لازم يكونوا زيه وللشعب هم ناهبين

اصل البلد اللى مفهاش ريس تلاقى الكل محتاسين

اللى بيسرق واللى بينهب واللى بيقولوا كلام ومش فاهمين

ان الشعب خلاص اتغير ولازم من حركة تغير

لكل شىء غلط فى حياتنا ولابد من ثورة التصحيح

عرفتوا مين هما اصل الشعر حلمنتيشى وملوش تفسير

الأعضاء تاريخ التسجيل : 27/05/2011 العمر : 37

نعيب زماننا والعيب فينا .....ومالزماننا عيب سوانا
ونهجو ذا الزمان بغير ذنب ..... ولو نطق الزمان لنا لهجانا
فدنيانا التصنع والترائي ......... ونحن نخادع من يرانا
وليس الذئب يأكل لحم ذئب ........ ويأكل بعضنا بعض عيانا
لبسنا للخداع مسوك ضأن ....... فويل للمغيراذا أتانا

الأعضاء تاريخ التسجيل : 30/09/2009 العمر : 63

الكلام حلو وجميل.....صادر كم واحد فنان

العيب مش فى الزمان....العيب فى الانسان

العيب قينا احنا........ومبهديل بكرامتنا

لما الكل طمع فينا.......وقالوا علينا شوية عيال

امتى نحافظ على كرمتنا......ونورى للعالم اجمع اننا ناس جدعان

الأدارة تاريخ التسجيل : 13/12/2009 العمر : 57

كام جمعة مرت و كام اسم
ناقصنا جمعة البية
اللي يعلو مقامه علي العدل
و ملامحه لسة في ملامحنا
و كلامتنا لسة بتلف حوله
اذاي ننسي في اي جمعة عمايله
ده بصمة أتحفرت في نفوسنا
و يشجب أولادنا و يعلو صوتهم
و ينادوا بالتغير الاكيد
و ينادوا بالعقاب المميت
و لكن صحبنا مقامه عالي
لازم يتحكم له بالبراءة
اية يعني عشرين جريمة
اية يعني سلب قوت الشعب
اية يعني ضيع مستقبل أولادنا
ده مقامه كبير ضد اي تغير

الأعضاء تاريخ التسجيل : 30/09/2009 العمر : 63

صاحب المقام الكبير اللىى عينوه موأخرا وزير

قام وسط الشعب وقال حقول لكم احلى كلام

لانى اصلى كنت شاعر كبير وفى الكلام مليش مثيل

يا قــــــــــــــــوم لا تتكلّمـــــــوا إن الكـــــــــــلام محـــــــــــــــرَّمُ

نامــــوا ولا تستيقظـــــــوا ما فـــــــــــــــــاز إلا المنّـــــــــــــوّمُ

وتثبتـــــــوا من جهلكــــــــم فالشـــــــر أن تتعلمــــــــــــــوا

إن قيــــــل إن نهـــــــــــــــاركم ليل فقــــــــولوا: مظلـــــــمُ

أو قيـــــــــل إن ماء نيلكم مُرٌّ فقولـــــــــــــــــوا: علقــــمُ

من شـــــــــــــــــــــــاء منكـم أن يعيش اليوم وهو مكرمُ

فليمش لا سمـــــــــــــــع ولا بصـــر ولديه فــــــــــــــــــمُ مكمم

لا يستحــــــــــــق كـــــــــــرامة إلا الأصـــــــــــــمّ الأبكــــــــــــم

هذا شعرى وربكم بكم ارحم

اصلى شاعر كبير ومفيش زى مثيل

توقيع رئيس رابطة وزراء الحكومةالسابقة