مستنى أيه يا قاضى

( مستنى أيه ياقاضى)

العدل لمّـا أنـتشر كان أمر ربْ رحيم
بينادى كل البشر رجـّاله ويــّا حريم
******
يقول يا عبدى ألتزم ولكل أمّة كتاب
سانن فيها القوانين ولكل ذنب عقاب
******
وكتابنا كان قرآن بلـّغنا بيه معصوم
آياته واضحه لنا فيه الحساب معلوم
******
أوّل عقاب للبشرعلشان يعلمنا
لآدم اللىّ عصى بالطرد م الجنه
******
الحـُكم ليه فى البلد طوّل ومتعــــسّر
دى نومه راحت عليه وميزانه متكسّر
******
يا قاضى ليه تنتظر والكفه مليانه
متشوّقين للخبر كرامتنا متهانه
******
شوفنا العذاب ألوان والظلم ماله حدود
ما كنت فى الميدان وأملنا فيك موجود
******
شهيد يناير ابننا لازم يكون له قصاص
ودمه سايل وسطنا والقتل كان برصاص
******
والجانى عايش ع الامل نايم ومتمدّدْ
مستنى كلمة عفوكم والعهد يتجدد
******
أنتوا ليه صابرين عليه ريّحونا واحكموا
طاب يابلدنا حا نعمل ايه علشان نعيش ونكملوا
******
يا العدل فيكى يتنشر وحاجب بـينده محكمه
يا نروح نسلم للقدر ونعيش حياتنا مضلمه

شاعرنا المتالق دائما
الاستاذ سعيد جميل
اااااااااااااااااااااااااااااااااااااااااالله
ااااااااااااااااااااااااااااااااااااااالله
نص رائع وكلمات اكثر من رائعه
خرجت من صميم القلب
لتعبر عن ماساة شعب باكمله
دمت لنا شاعرا جميلا
ولا حرمنا الله من ابداعاتك المتميزه
تقبل تحياتى[i]