kanouz



kanouz


 
الرئيسيةالبوابةس .و .جالتسجيلدخول
*اللهم ارحم موتانا وموتى المسلمين واشفي مرضانا ومرضى المسلمين* *اللهم اغفر للمسلمين والمسلمات والمؤمنين والمؤمنات الأحياء منهم والأموات* *اللهم ارزقني قبل الموت توبة وعند الموت شهادة وبعد الموت جنة* *اللهم ارزقني حسن الخاتمة* *اللهم ارزقني الموت وأنا ساجدة لك يا ارحم الراحمين* *اللهم ثبتني عند سؤال الملكين* *اللهم اجعل قبري روضة من رياض الجنة ولا تجعله حفرة من حفر النار* *اللهم إني أعوذ بك من فتن الدنيا* *اللهم أني أعوذ بك من فتن الدنيا* *اللهم أني أعوذ بك من فتن الدنيا*
إرسال موضوع جديد   إرسال مساهمة في موضوعشاطر | 
 

 اقطعوا راس الكبير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عصام ميره
شخصيات مميزة
شخصيات مميزة


تاريخ التسجيل: 26/11/2011
العمر: 34

مُساهمةموضوع: اقطعوا راس الكبير   الخميس مايو 10, 2012 10:47 am



إقطعوا راس الكبير
( 1 )

عايزين بلدنا تعيش في خير ..
اقطعوا راس الكبير ..
هو غرقان في الحرير ..
واحنا نايمين ع الحصير ..
ناكل زلط . ياكل فطير ..
ودمّنــــا كان له عصير ..
واحنا بقى نشرب في زير ..
ريحة فساد وخراب كتير ..
وفي الكلام مالوش نظيـــر ..
ويقول لنـــا الوضع خطير ..
خلى الشعب عنده أسيــــر ..
يشيل وزير ويجيب وزيــر ..
وكلهم في النهب خبيــــــر ..
باب اللصوص مالوش صرير ..
ومش شاطر غير فى النعيــر ..
زى ماقال شاعر شهيـــــر ..
إن كان ضعيف مالوش ظهير ..
إفتح بطنه بساطور كبيـر ..
عامل علينا أسد كبير ..
ولغيرنا مانسمع زئير ..
خدّه وقفاه لهم سرير ..
ناسي إنّ فيه جبار قدير ..
بُكره يدوق عذاب مرير ..
متر في مترين واقفل بجير ..
ويوم يشوف منكر نكيــر ..
هو دا اللي كان أميـــــر ..
يصرخ في رعب ومافيش مجير ..
وآخرته في نار السعيـــــر ..
ولاينفعه حتى المشيـــر ..
...............
عايزين بلدنا تعيش في خير ..
اقطعوا راس الكبير ..
هاتوا بسرعة قوام سرير ..
إدخل قوام شم العبيـــــر ..
وكل يوم عايز سميــــــر ..
وفيلم له مضمون مثيـــر ..
لو في الهيافة أكيد مدير ..
عمره ماسمع صوت الضمير ..
شوف سحنته عبر الأثيـــر ..
من نظرته تقول مكيــر ..
واحسن منه يشوف الضرير ..
في المدرسة يطلع أخيــــر ..
في كل نكبة له سفيــــــر ..
حبْل الكدب عمره قصيــــر ..
والكرسي من تحته يطيــر ..
وحقنا ندوّقه نفس المصيــر ..
لمّا سمعنا صوت النفيـــر ..
خُد شهيق . طلّع زفيــر ..
كُن للوطن أجمل سفيـر ..
ضد اللصوص واقف غفير ..
…………
عايزين بلدنا تعيش في خير ..
اقطعوا راس الكبير ..
واحد يقول نرميه في بير ..
يمكن يلاقيه واحد فقير ..
ياخده ويرعاه مع البعير ..
ويفدي بيه في عيد كبير ..
رد وقال واحد خبير ..
لحمه يسمم ناس كتير ..
طلع علينا عجوز أمير ..
عندي ليكو رأي خطير ..
لازم يكون حبله حرير ..
وهو نايم على السرير ..
غموا عنيه زي الضرير ..
دا مش غفير ولاوزير ..
دا مهما كان اسمه الكبير ..

( 2 )

عايزين بلدنا تعيش في خير ..
اقطعوا راس الكبير ..
كل مانقطع له ديل
يطلع له ألف وألف ديل
ويقولوا لأ مالوش بديل
دا م البغال أحسن فصيل
مسح تاريخ أوّل رعيل
كره بهية عشق راشيل
وكنت أنا دايما أميل
واقول عليه أمير جميل
وأخسر عشانه كام زميل
طلع لص وخاين عميل
وفي الهيافة مالوش مثيل
وأقول هابيل يطلع قابيل
بدل الشهيد ألف وقتيل
ويقول دا أنا بنزع فتيل
إيه يعني لمّا دمه يسيل
يضحك تقول دمه تقيل
............
عشان نمحيك لازم مزيل
فاكر هننسى .لا مستحيل
بينا وبينك حساب طويل
مستني أيه غير الوبيل
دي بلدنا إحنا. هرم ونيل
بدل السنة حكمت جيل
وتقولي ليه طلبوا الرحيل
مع إنه لسه فِيّ حيل
زي الحمام صوتي هديل
دمي عسل والعين كحيل
شعري ليل خصري نحيل
طيارة أسوق حمير وخيل
واللي يقولي ارحل دخيل
أكيد يكون واحد رذيل
عشانكوا كان دمعي يسيل
وإيدي فرطة مش بخيل
ميت مليار مبلغ هزيل
إنتوا اجمعوا وأنا أشيل
غاوي راحتنا صحيح أصيل
إبليس أكيد عامله وكيل
قلب نهارنا ضلام وليل
دايما يبكي الخير قليل
شارون وبوش كانوا الخليل
خرب البلد مسح الدليل
دلوقتي أهومحبوس ذليل
نايم يمثل دور عليل
شنقه اللي راح يشفي الغليل
وترابة فاسدة عليه نهيل
جيمي وسوزان نازلين عويل
دي خطوة أولي في ألف ميل

كلمات
عصــــــــــام ميــــــــــره
الرجوع الى أعلى الصفحة اذهب الى الأسفل
محمد لبيب مصيلحى
مشرف


تاريخ التسجيل: 25/06/2012
العمر: 44

مُساهمةموضوع: رد: اقطعوا راس الكبير   الأربعاء أغسطس 22, 2012 1:29 am

الله عليك استازنا الفاضل
تسلم اناملك الرائعه
ابدعت فأمتعتنا
كل عام وحضرتك طيب


<br>
الرجوع الى أعلى الصفحة اذهب الى الأسفل
 

اقطعوا راس الكبير

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
kanouz ::  ::  :: -
إرسال موضوع جديد   إرسال مساهمة في موضوع