هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
kanouz
*اللهم ارحم موتانا وموتى المسلمين واشفي مرضانا ومرضى المسلمين*
*اللهم اغفر للمسلمين والمسلمات والمؤمنين والمؤمنات الأحياء منهم والأموات*
*اللهم ارزقني قبل الموت توبة وعند الموت شهادة وبعد الموت جنة*
*اللهم ارزقني حسن الخاتمة*
*اللهم ارزقني الموت وأنا ساجدة لك يا ارحم الراحمين*
*اللهم ثبتني عند سؤال الملكين*
*اللهم اجعل قبري روضة من رياض الجنة ولا تجعله حفرة من حفر النار*
*اللهم إني أعوذ بك من فتن الدنيا*
*اللهم أني أعوذ بك من فتن الدنيا*
*اللهم أني أعوذ بك من فتن الدنيا*
موضوع: معذرة مني روفيده قصة جريئه جدا الإثنين يونيو 07, 2010 9:00 am
الحكاية بتبدأ من حوالى سنتين.... العفش بينزل من على عربية النقل...
و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـاما؟ قالتلى اه يا حبيبى دى الشقة اللى قصادنا قلتلها ويا ترى عرسان جداد ولا عيلة وبتعزل؟ قالتلى والله يابنى مانا عارفة قلتلها طيب.. يا خبر انهارده بفلوس.. بكرة يبقى بفلوس اكتر..
و بعد أسبوع...... أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص قلتلها يا شيـــــخة! قالتلى: اه.. مرات الراجل عدت عليا انهارده وسلمت عليا وعرفتنى بيهم قلتلها: ايــه بقى عرسان جداد؟؟ قالتلى لا دول أسرة.. عندهم ولدين وبنت قلتلها خير.. خير.. (والشر بيبظ من عينيا)
و أثناء الحديث الشيق ده.. طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى - و بعدين طلع ولد صغير ابتسم لنا اول ما شافنا.... أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى... المهم.. الأم ندهت لبنتها... الحقيقة انا كنت أول مرة فى حياتى أسمع الاسم اللى هى ندهت به.. أول مرة أعرف ان فى بنت اسمها كده أصلا...
الام بتنده: يــــــا روفيدة (على وزن بثينة , بضم الراء يعنى) اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها.. و طلعت روفيدة من ورا الستارة فـى حركة Slow Motion من بتاعة الافلام.. و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض.. مش قادر ارفع عينى من عليها.. مينفعش ارفع عينى من عليها اصلا... فضلت متنح لحد ما شافتنا انا وامى.. لما شافت امى ابتسمت لها..
و لما شافتنى زى ما تكون شافت عفريت ودخلت على جوة جرى...
و تمر الأيام.. و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ.. ساعة ما الاقيها واقفة.. اطلع البلكونة.. مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة - او بلعب عشر ضغط.. اى تلكيكة والسلام الغريب انها كانت فى الاول لما تشوفنى تروح داخلة جرى على جوة.. لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان... بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد واقف بالساعات مدام روفيدة واقفة... ارمى نظرة.. ابتسامة.. أشاور و كانت هى بتكتفى بالابتسام وعلامات الخجل...
و ف يوم من ذوات الايام.. بشاورلها.. شاورتلى بقيت هطير م الفرحة.. روفيده شاورتلى يا جدعان... قعدت اطنطط ع السقف وأغنى وحياة قلبى وأفراحه.. و هبا إيـه هبا أاه.. إن شاء الله هنظبط امتى بقى اتكلم معاها ...
لحد ما جه اليوم... انا راجع م الكلية.. وعلى اول الشارع شفت أمى واقفة مع مامت روفيده.. و المفاجاة: روفيده واقفة معاهم لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو... لحد ما بقيت عندهم.. عرقان طبعا وبنهج وحالتى حالة... نزلت عليهم زى الباراشوط.. ازيك ياما.. ازيك يا طنط عاملين ايه... و بصيت لرٌفيدة.. كانت بصالى وبتضحك.. كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده - قلتلها: ازيك يا روفيده؟! و كان رد فعلها غير متوقع بالمررررة... كان صدمة حقيقية بالنسبة لى.. لقيتها بتمد ايديها وبتسلم عليا... و بتقولى: الحمد لله.. ازيك انت؟؟! رحت مسلم عليها.... و قلتلها: الله يسلم قلبك يا روح قلبى.. و رحت بايس ايديها.... و رحت شايلها........... و قلتلها: انتى عندك كام سنة بقى؟؟
قالتلى عندى 3 سنين
رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت و من يومها وانا وروفيده اصحاب... كل ما تطلع البلكونه نلعب ونهزر مع بعض
الضرب والشتيمه ممنوعه لو سمحتم
msk kotp شخصيات مميزة
تاريخ التسجيل : 22/02/2010 العمر : 52
موضوع: رد: معذرة مني روفيده قصة جريئه جدا الثلاثاء يونيو 08, 2010 4:10 am
ههههههههههههههههههههههههههههههههههههههه
والله جميلة جدا
واستطعت ان تجذب انتباهى الى نهاية القصة
ماشاء الله تملك اسلوب مشوق فى العرض
مع خالص امنياتى بمزيد من التفوق
هشام الطيب الأعضاء
تاريخ التسجيل : 15/12/2009
موضوع: رد: معذرة مني روفيده قصة جريئه جدا الثلاثاء يونيو 08, 2010 1:09 pm
Admin المدير العام
تاريخ التسجيل : 28/09/2009
موضوع: رد: معذرة مني روفيده قصة جريئه جدا الأربعاء يونيو 09, 2010 1:46 am
ههههههههههههههههههه
قصة جميلة
ولها رونق خاص
يمتاز بخفة الدم
و الموضوعية
و الحبكة
لك كل المحبة و التقدير
هشام الطيب الأعضاء
تاريخ التسجيل : 15/12/2009
موضوع: رد: معذرة مني روفيده قصة جريئه جدا الأربعاء يونيو 09, 2010 8:44 am
ههههههههههههههههههه
بعض ما عندكم مدام كنوز
أنتي الأستاذه
Amatu-Allah مشرف
تاريخ التسجيل : 04/03/2010 العمر : 47
موضوع: رد: معذرة مني روفيده قصة جريئه جدا الأربعاء يونيو 09, 2010 11:32 am
انا بحب القصص القصيرة فعلا ورغم ان القصة فى بدايتها كانت مشوقة الا انى توقعت ان فيها خدعة - معرفش ليه - ربما لان اخى هشام مش معودنا على الحكايات اللى من النوع اللى بدأت به القصة وعموما الحمد لله انها طلعت 3 سنوات بس وكفى الله المؤمنين القتال وجزاك الله كل خير اخى هشام
هشام الطيب الأعضاء
تاريخ التسجيل : 15/12/2009
موضوع: رد: معذرة مني روفيده قصة جريئه جدا الأربعاء يونيو 09, 2010 11:46 am
جزاكي الله كل خير يا أمة الله
amal_w مشرف
تاريخ التسجيل : 12/04/2010 العمر : 44
موضوع: معذرة مني روفيده قصة جريئه جدا الأربعاء يونيو 09, 2010 12:00 pm
هشام الطيب الأعضاء
تاريخ التسجيل : 15/12/2009
موضوع: رد: معذرة مني روفيده قصة جريئه جدا الأربعاء يونيو 09, 2010 12:03 pm
لؤلؤة الأعضاء
تاريخ التسجيل : 02/03/2010 العمر : 52
موضوع: رد: معذرة مني روفيده قصة جريئه جدا الأربعاء يونيو 09, 2010 7:22 pm
كم هى رائعة
كل مره بتخلينا نكتشف فيك إبداع جديد
فقد سطرت لنا هذه القصة بطريقة حلوة جعلتنا نبتسم
لك كل الود و في إنتظار كل جديدك
هشام الطيب الأعضاء
تاريخ التسجيل : 15/12/2009
موضوع: رد: معذرة مني روفيده قصة جريئه جدا الخميس يونيو 10, 2010 6:57 am
أخت لؤلؤه
هشام الطيب الأعضاء
تاريخ التسجيل : 15/12/2009
موضوع: رد: معذرة مني روفيده قصة جريئه جدا الخميس يونيو 10, 2010 6:58 am
أختي مدام / كنوز
تلاميذك
هشام الطيب الأعضاء
تاريخ التسجيل : 15/12/2009
موضوع: رد: معذرة مني روفيده قصة جريئه جدا الخميس يونيو 10, 2010 7:17 am
