كيف توظف الشخص المناسب في المكان المناسب

إزاي توظف الشخص المناسب في المكان المناسب

حط 100 طوبة في مكان مهم في غرفة مغلقة وشباك مفتوح
وبعدين ابعت 2 أو 3 من المرشحين للوظيفة للغرفة وبعدين اقفل الباب
سيبهم لوحدهم وبعدين تعالى تاني بعد 6 ساعات وحلل موقفهم

لو هم قعدوا يعدوا الطوب حطهم في الحسابات
لو هم عدوا الطوب وبيراجعوا العد حطهم في المراجعة
لو هم بعتروا الطوب في الاوضة كلها يبقوا مهندسين
لو هم رصوا الطوب بشكل غريب في الاوضة حطهم في
التخطيط
لو قعدوا يرموا الطوب على بعض حطهم في العمليات
لو ناموا حطهم في الامن
لو كسروا الطوب كله لقطع صغيرة يبقوا من مركز المعلومات
لو قعدوا مابيعملوش حاجة يبقوا في الموارد البشرية
لو قالوا انهم حاولوا بكل الطرق بس الطوب زي ماهو ماتحركش يبقوا من المبيعات
لو قاعدين يبصوا من الشباك يبقوا في
التخطيط طويل المدى
وأخيراً وليس أخراً لو قاعدين يتكلموا مع بعض ومافيش طوبة اتحركت يبقى تهنيهم وتحطهم في
الادارة العليا

المدير العام تاريخ التسجيل : 28/09/2009

ههههههههههههههههههه

فعلا طريقة جديدة

في تعين الموظفين

و معرفة قدرتهم العقلية

بدون تعب الأ ختبارات

و الخبرة و الشهادات

طبعا طبعا اسهل طريقة لمعرفة القدرات البشرية

واقترح تاخدي بيها في المنتدي

لمعرفة اهتمامات الاعضاء

وده حقيقي ماشي في البلد فمرة نلاقي وزير التعليم طبيب اطفال ومرة نلاقيه مش ليه في التعليم

ولو بحثنا ممكن نلاقي انه مش اخذ الابتدائية

وده ينطبق علي حاجات اكبر

فتلاقي حاميها حرميها

وتلاقي ابو نص لسان هو اللي ماسك الاعلام

وابو نظارات يتعين في الامن طبعا

والتربي يشتغل مفتي

وكله في السكلانس

وادي حالنا وحال جميع المسلمين

وعموما مش تخافي انا بعرف افك الخط يعني لو محتاجه حد يمسك القسم الثقافي ممكن ترشيحيني

والقسم الفني مش هتغلبي البلد كلها راقصين

طبعا كويس انه مفيش رياضة كانت حصلت خناقات ياما

وكان المجلس القومي رفع علينا قضايا

بعيد يا شر عن السامعين

المدير العام تاريخ التسجيل : 28/09/2009

هههههههههه

كدا خرجنا عن الوظيفة

ووضع الانسان المناسب

حسب قدرته العقلية

الي قارعة الحياة

حيث يختلط كل الأمور

و لا تدري أين الصواب

و اللهم أعفنا من الجهل

و أعفنا عن الغفلة

و دعنا نري ميزات الناس قبل عيوبهم

عندما نسلط اعينا علي العيوب فقط

لن نري أي شيء اخر

لاننا لا نريد ؟؟؟

ربما لا نستطيع ان نري بمنظور اخر ؟؟؟

و لكن الحقيقة التي لا مفر منها

أن لكل انسان ميزات و عيوب

فلابد أن نعطي فرصة كبيرة لانفسنا

حتي نستوعب المميزات قبل العيوب

اختي في الله كنوز

اعلم ما تتمتعين به من صفات قيادية وعلوم ادارية

وخبرة من واقع اعمالك ومشروعاتك

وبالفعل حسن الاختيار ووضع الرجل المناسب في المكان المناسب يساعد علي تطوير وتنمية الاعمال

وهناك معايير دائما نضعها عند اختيارنا الشخص المناسب للوظائف

قد لا تقف عند المؤهل فقط

واعلمي اختي كنوز انني لا انظر دائما الي نصف الكوب الفارغ

ولكني لست وحدي من يحكم علي ما نعيشه

وربما انا ناقل لافكار ولست منشأها

ولكن الجميع يشعرون بسوء ما تتعامل به معنا الحكومات في معظم دولنا العربية

وانتشار المحسوبية والرشاوي والفساد الاداري

اختي كنوز لم اتعمق في كلماتي

ولكن هذا واقع يعيشه الكثيرون منا

لنا وقفغات كثيرة فحديثك العذب دائما ما يولد افكار جديدة

مسلم

الأعضاء تاريخ التسجيل : 27/04/2010 العمر : 49

اخى مسلم

موضوع جميل الموظف المناسب فى المكان المناسب

والطريقة ايضا للتعين جميلة وجديدة

وهنا نقول الموظف المناسب مع الطوب المناسب

هههههههههههههههههههههههه
لك شكرى المناسب

magy كتب:: اخى مسلم

موضوع جميل الموظف المناسب فى المكان المناسب

والطريقة ايضا للتعين جميلة وجديدة

وهنا نقول الموظف المناسب مع الطوب المناسب

هههههههههههههههههههههههه
لك شكرى المناسب

اشكرك ماجي والعود احمد

لو الواحد يعرف قيمة الطوب كنا عديناه من زمان

لكن يا خسارة الطوب جرف اراضينا

لحد ما جاء الطوب الطفل

طبعا ده احسن في عملية الاختيار

وتحديد الشخص المناسب

لان الاساس في الاختيار لعب عيال

وحادي بادي

او اصله شبط في الشغلة

ومش ممكن نتحتحه زي ابو الهول كده او الهرم

واكيد الطفل مش ممكن يكبر او يشيخ او يطلع معاش

وعلشان الطفل يفضل مبسوط لازم زمايل الطفولة يكونوا معاه

من باب داري علي شمعتك

واللي نعرفه احسن من اللي ما نعرفوش

علي العموم انت تقديرك ايه لعملية الطوب

اكيد كنتي بتنادي علي الطوب طوبة طوبة

يبقي انتي نختارك مغنية مذيعة وزيرة اعلام

مبروك يا ماجي

مع ان ماجي مرقة دجاج بس فين الناس مش لاقية واصبح الاكل قرديحي

اللحمة في العالي ووراها كمااااااااااااااان الفراخ والسمك

والطوب كمااااااان غلي يعيني بناء مفيش تعيينات ثانية

يبقي الحال علي ما هو عليه

وعلي المؤهلين لسوق العمل غسيل الاطباق خارج البلاد

لان اطباق البلد نظيفة اطال الله عمر الوزير

مش مشكلة ومش تزعلي مني ماجي

مجرد كلام نص الليل اقصد بداية يوم جديد

اسال الله ان يكون سعيد

وسعيد يعني هابي وانا مش نبي

مسلم

الأعضاء تاريخ التسجيل : 30/09/2009 العمر : 64

اخى مسلم

الله يسعد صباحك ويسعد ايامك ويجعل مواضيعك كلها جميلة ومشوقة

قرات ردك على الاخت ماجى وضحكت من الجزء الاخير فى الرد

وان كانت ماجى غالية عليك اشترى فاين فودذ اهى ارخص شوية

وتقدر تعمل بيها الملوخيه ولا لحمة ولا غيرها

ناكل وتنبسط وتدعى للوزير كمان الله يخليه ويخلى الشعب جعان

حتى لو اكل حيتخن ويبقى كسلان خليه خفيف الوزن

وعامل رجيم كمان صحته تبقى عال ولا يروح لطبيب فى يوم ولا يقول جعان

شكرا لك اخى مسلم وان الاخت ماجى لا تزعل من الكلام اللى بيتقال

لانه كلام من واحد جععان

الابتسامة الساحرة كتب:: اخى مسلم

الله يسعد صباحك ويسعد ايامك ويجعل مواضيعك كلها جميلة ومشوقة

قرات ردك على الاخت ماجى وضحكت من الجزء الاخير فى الرد

وان كانت ماجى غالية عليك اشترى فاين فودذ اهى ارخص شوية

وتقدر تعمل بيها الملوخيه ولا لحمة ولا غيرها

ناكل وتنبسط وتدعى للوزير كمان الله يخليه ويخلى الشعب جعان

حتى لو اكل حيتخن ويبقى كسلان خليه خفيف الوزن

وعامل رجيم كمان صحته تبقى عال ولا يروح لطبيب فى يوم ولا يقول جعان

شكرا لك اخى مسلم وان الاخت ماجى لا تزعل من الكلام اللى بيتقال

لانه كلام من واحد جععان

اختي البسمة الساحرة

صباحك كله ابتسامات

يسعدك ربي ويسعدليكي الاوقات

ولو علي ماجي ماجي احلي البنات

ربنا يسعدها كمان وكمان ونستخدم فاين فودز

بدلا ماجي لغلو الاسعار

خلي الوزير ياكل ومش مهم احنا

يعني الخروف نوزعه علي البلد احسن ومحد يحس بيه

والا واحد بس احسن

هي دي السياسة

طاالما لن نكفي الجميع فالواحد اولي

مشرف تاريخ التسجيل : 12/04/2010 العمر : 44

*فعلا طريقه جديده ومميزه للتعين وخصوصا ان التعيين فى الزمن ده بقى صعب

**التعيين ده دلوقتى كوسه بالوسايط

** اسعدتنا بالموضوع الجميل

************لك منى كل التقديير الاحترام مسلم***********

amal_w كتب:: *فعلا طريقه جديده ومميزه للتعين وخصوصا ان التعيين فى الزمن ده بقى صعب

**التعيين ده دلوقتى كوسه بالوسايط

** اسعدتنا بالموضوع الجميل

************لك منى كل التقديير الاحترام مسلم***********

اشكرك اختي امال

وللاسف مفيش تعيين اساسا لا بالواسطة ولا بالرشاوي

بس الطريقة بصراحة كويسة في الاختيار

وعموما فكروني بقصة شاب زار متجر لشراء فرخة

وبعد ان تنقل بين ادوار المتجر الستة

وجد لافته لا يوجد فراخ بس ايه رايك في النظام

طبعا النظام جميل بس الشغل مش موجود ولا الطوب كمااااااااااان

اشكرك امال دمتم بخير وعافية

لية ياشعب متبتر علي نعمة الرب
ههههههههه
من غير لجمام يكون الطمع ساب له الحد
اية يعني مفيش وظيفة و الجيب خالي
و لكن عايش فوق الارض و الشمس طالعة كل يوم
أحمد ربك

صلاح البدري كتب:: لية ياشعب متبتر علي نعمة الرب
ههههههههه
من غير لجمام يكون الطمع ساب له الحد
اية يعني مفيش وظيفة و الجيب خالي
و لكن عايش فوق الارض و الشمس طالعة كل يوم
أحمد ربك

اشكرك اخي صلاح

شعبنا المصري شعب جميل ومسكر

وادي الشاب لابس الزفرة ومتعطر

علي الشط ماشي متبتر ومتغندر

وكل شاب في ايده صبية زينة تتبختر

والضحكة عالية من القلب طالعة تتسطر

وتسال الشاب ما تلاقي جنيه يشتري زعتر

لكن الحياة ماشية وربك هو اللي بيستر

وعجبي

الأدارة تاريخ التسجيل : 13/12/2009 العمر : 58

ههههههههههههه
الجيب خالي
و القلب عمران بحب الله
و نومة من غير طعام يوم و لا يومن
رجيم للروح و الجسد
يبقي العقل نظيف
في الهواء طاير
ههههههههههههه

الأعضاء تاريخ التسجيل : 01/08/2010 العمر : 48

مشكور ياغالي

» التأمين على المكان
» أقسام الذكاء :تعرف على ذكائك والتخصص المناسب لشخصيتك