مصطفي النادي يكتب ( الي عميقة العينين )
ســــؤال.....؟؟
شوفيـلك بـرّ ..وترسـى عليهْ
يا بتحبينى يا بتحبيـــه !
عشت معاكى حب العمرْ
وانتِ معايا كمان عشتيه
كنت الحب اللى استنيتُهْ
كنت الحلم اللى حلمتيـه
عشتِ العمر بتتمنيـــه
كنت حنان العالم ليــكى
كنت الشوق اللى تحسيـــه
لما باحسك جوه فى حضنـــى
بالقى حنانك بيدوب فيـــه
واشرب شهدك واغرق فيــه
حبك جوا فى قلبى ماليـــه
حبك كنت زمــان بداريـــه
من خــــوفى عليــــه
لكن بعد ما دقتى حنـــانى
انت بنفســك أعلنتيــــه
حتى حلفت ما فـــرط فيكى
لو سبتينـــى أو بعتيـــه
هو الحب الصادق إيـــه ؟
همس وشوق .. وحنان يرويهمش يتجاهله .. أو يرميــه
رأيـــك إيـــه ..
فى اللى انا قلته وبتنسيـــه ؟
لو دلوقتى رن عليـــكى
راح تسيبينى و تروحى إليــه
وافضل عايش ويا جروحـــى
ويطول صمتى وتتـوه روحــــى
أصل مصيرك مش ف ايديكــــى
رحتى وقلبك مش ويـــاكى
راحه بجسمك بس معـــاكى
ما نتيــش راغبـــه
وهو بتصرخ فيه الرغبــــه
من جواكى مش عايـــزاه
حبه خلاص .. عن قلبك تاه !
راحه وعارفه هيعمل إيـــــه
عندى سؤال جاوبينى عليه
حاسس نفسى .. تايه منى
وحيرتى تزيد بين شكى وظنى
غصبن عنى !! أقعد افكــر
أشرب نار الغيره وأسكـــر
مش متصـــــور
بعد ما حبى هز كيانــك
ريحة عطرى على فستانـك
لسه انا دايب من أحضانــك
مش متصور .. لكن خايــف
عامل أعمى .. لكن شايـــف !
إن هتلمس إيـــده خدودك
أو بشفايفه يدوب فى نهـودك
ويبوس شعرك .. يحضن عودك
ويتوه صمتك .. جوه وجـــودك
خايفه تخطى ف مره حـــدودك
خايفه تقولى كلمــة .. لأ !!
خايفه تقولى كلمة حق
خايفــه ليعرف .... خايفه ليحلف
ولا لقلبه قلبـــك رق ؟
ليه مضطــــرّه
تعيشى حياتك أيام مُــــره ؟
ليه بعذابك إنت مُصـــــرّه ؟
قلتى كتير ما نتيش رغباه
وان غروره وقلبه عمــاه
عايش بس يحب الدنيــا
يعبد نفسـه من جــواه
فاكر الدنيا ملك يمينُـــه
وان ف يوم .. هيخدها معاه
لازم تاخدى قرار ويــاه
قلبى خلاص الهجـر كــواه
لازم واحد يبقى ضحيــه
حتى العدل معدش قضيــه
يا إما تكــونى كلك ليّــا
يا إما بسيفه تقضى عليا ..
تروحــى وراه
!!
مصطفي النادي ,,,,,
عضو اتحاد كتاب مصر
