خفة دم المصرين حتي في ثورة 25

خفة دم المصرين حتي في ثورة 25

لفت انتباهي بعد التعليقات المضحكة من شبابنا الجميل

في ثورة 25 التي غيرت الكثير من طباع الناس

و نتمني ان تغير الكثير من الحياة بداخل مصر

و نري مصر ترضي العدل و الله بكل شيء


اليكم الصور و اضحكوا معي علي تلك التعليقات

أو أجمعوا لنا المزيد

حبيبنى كنوز

الشعب المصرى يمتاز بخفة دمه التى يترجمها الى نكت جميلة

حتى لو كان يهانى من البرس والهم أى فى جميع الاحوال يترجم كل ما يمر به من احداث الى نكت

واليك يعضها


مرة دكتور امراض عقليه بيكشف على مخ مريض فطلع المخ وحاطه فى الصنيه اعبال مايكشف على الجمجمه راحت القطه اكلت

المخ فالدكتور محتار يحط بدل المخ ايه راح جايب جوز جزمه وحطها فى الجمجمه وقفل على كده بعد سنتين واحد بيسئله بيقوله

ايه اخبار المريض بتاع الجزمه قالو اسكت عقبالك دا بئه الرئيس بتعنا

...البرادعي وأحمد عز ومرشد الإخوان راكبين تاكسي فالبرادعي بيقول : أنا لما بتكلم في ميدان التحرير بيسقفلي مية ألف و أحمد عز قال : انا لما بخش مقر الحزب بيسقفلي نص مليون ومرشد الإخوان قال : وأنا لما بخطب في الجامع بيسقفلي مليون فالسواق قام قايلهم : وأنا لو لبست بيكم انتم التلاتة في حيطة هيسقفلي 80 مليون




>>>>>>>>>><<<<<<<<<<<<

هههههههههههههههههههههههههه

صباح الفل عليكم جميعا

جميلة قوى نكتة الريس أبو مخ جزمة ده

بصراحة جامده

أنا جيبت لكمكم نكتة كده على الماشى عن الثورة يمكن تعجبكم


أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا..

... بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟

وهتف مع المتظاهرين "يسقط يسقط حسني مبارك"!



-مبارك بعد ما مات قابل السادات وعبد الناصر، سألوه: هاه؟ سم ولا منصة؟

رد عليهم بحرقة وقال: فيس بوك.



واحد لقي الفانوس السحري ودعكه.. طلع له العفريت وقاله: شبيك لبيك تطلب إيه؟

قاله الراجل: أنا عايز كوبري بين القاهرة وأسوان، العفريت

قاله: دي صعبة قوي.. نقي حاجة تانية، الراجل

قاله: خلاص خلي حسني مبارك يسيب الحكم، العفريت

قاله: انت عايز الكوبري رايح جاي؟ ولا رايح بس؟


بلطجي سألته قناة الجزيرة إنتوا ليه بترموا مولوتوف علي الشباب ،

فرد قائلا :" العيال دول بيرموا علينا قنابل "بلوتوث"


شهود عيان فى أروقة وزارة التربية والتعليم أفادوا أنه تم تأجيل امتحانات

الدور التانى إلى أجل غير مسمى، معللين هذا بأن النظام سقط

وعاوز وقت عشان يلحق يذاكر



مبارك قبل خلعه اتصل بعمر سليمان وقال له ابعت الفلوس علي شرم الشيخ

وابعت المسلمين علي السعودية والمسيحيين علي أمريكا

واقفل وهات المفتاح وتعالي !


تحياتى لكم جميعا وصباح النكت