لو عايز تمسك قسم الشعر

وانا ان مسكت الشعر حقول كتير وكتير

واخلى كل القلوب ترقص وتميل

على كلمات حلوه تتغنى مواويل

مش حكتب واجرى وابقى عويل

دا الشعر فى دمى بيجى زى ماء النيل

اصلى شاعر وبعرف اغنى واقول ياعين ياليل

والكل امامى يرقص و بغنى معابا ويقول اجين

الله عليك كلامك كله ماس

كلام موزو ن وكله احساس

مش كل من قال كلمتين يبقى شاعر

دا الشعر موهبة واحساس ومشاعر

وكلام يخرج من القلب يدخل المشاعر

دا الشعر موهبه يوهبها الله

للى بيجمل فى قلبه اجمل المشاعر

ينصر دينك يا بن العوضي
خليت كلامتك تتغني
و ترسم و تلوح تاني
و تفهم الشعرمش شعري
يلوح من بعيد برسمي
شيبتك علي راسي
ننحني لها بتجلي
فارس الشعر في زمني

همسة كتب:

اقول
لو عايز تمسك الشعر
لازم تكون شاعر
و تعبر بالمشاعر
و مش كلمتين وتجري
و خايف حد يمسك
و تحرك بحرفك قلوبنا
نتجواب مع حرفك
و تكون علامة تحركنا
بقلب صافي
بكلمة حلو تجمعنا

بالقلم راح تعبر
طريق اليأس و بعزمك
راح تهدم صروح الشر
تطوى جرح ألم و خداع
تضوى نغم و سنين أحلام
تعبر لدرب الهوى الساهد
تترس فنون تغزل نهم
للمنتهى واصل
للحلم عازم أكيد
تدفى بكلامك
للود طارح أكيد
بالورد فى خصالك
للدرب فايز تجيد
بالحلو فى كتابك

هو الشعر كلام
وخلاص
ولا أغاني تهز
الراس
لاء ياخوانا
الشعر دا قيمه
حاجه جميله
وحاجه عظيمه
لما بقول الشعر بقلبي
بحس بحاجه هزت قلبي
ولما بفكر أكتب كلمه
بتكون طالعه مني بقلبي
بعيشها الاول قبل ما اقولها
ولازم أدوقها قبل ما اقولها
علشان غيري يحس بقولها
وتوصل قلبه لما أأقولها
كدا بالبلدي ياناس بنقول
الشعر دا قيمه
حاجه جميله
وحاجه عظيمه
مش بس دراسه وقرايه وبس
لازم القلب بالكلمه يحس
ولا هيبقي رغي ودش