مقتطفات الشاعر محمد أبو زيد

انتي اللي علمتي
الزمن
معني الكرامة
والوطن
وازي نكون وقت المحن
...كان حبنا
انشودة حلوة
عشق زايد
شوق ونشوي
واللي زايد
ولا هانك
رديتي بالحلم وايمانك
مش بقسوة
علمتي كل الدنيا
اوقات الشدايد
كيف بنقوي
وازاي نخطي المرحلة

الشاعر محمد أبو زيد الاسيوطي
قلبي الهزيل
بيخطي فوق
شوك الجراح
رغم البراح ممعوهشي
غير حبه أمل
...وعفي عليهم
الزمن
باعهم عشان
يقبض تمن
نفسه الرخيصة
ويشتري من فوق رصيف
سوق المحن
كسرة رغيف
الجوع سرح
مزع جرح
ظهر الضعيف
سلخوا الشجن
أكلوا فريسة والضلوع
طالعة بتصرخ
م البدن
والخوف نزيف
ظلل عليه
وفضل يضلل
بالخضوع
لما خلل
تحت أطوار الدموع
بركة عفن
ما هو دمه ماسخ
همه راسخ
زي نقش الليل
فوق جبينه الف ويل

سلاسل
فوق جبين
الحلم ميفكرش
يتزحزح
خلاص سيطر
...ظلام الليل بيتمرجح
في ملهي ذنبا الأكبر
معدش سبيل
ولا مخاطرة
شمال ممنوع
يمين مقطوع
عليه السكة مبتوصلش
علي بكرة
ومش قادرة
السنين تزرع
سنابل أمنيات تطرح
وع المسرح
عرايس كلنا بنميل
ونطوح
شربنا كاس معرتنا
وعرتنا
رياح الظلم
سيل الهم بيجرفنا
لتيار
الآسي والويل
وجيش القهر
موت فينا نخوتنا
مفيش مارد يخلصنا
وشبح الرعب بيطارد
هلاوسنا
وقعنا لرؤسنا
في المنكرمشاهدة المزيد

الشاعر محمد أبو زيد الاسيوطي
انا اللي كنت الولي
وطلعتي فوق كتفي
طيرتي مستقلبي
وبقيتي بتزفي
قلبي لسكة موت
...امسك بايدي خيوط
الحلم بتلفي
وتلفي وتلفي
عشان اموت
مخنوق
مصلوب علي كتفي
الشوق صريع في تابوت
والحلم فوق كفي

الشاعر محمد أبو زيد الاسيوطي
مؤمن وقلبي
موحدوا
مانا بعبدوا
لا خوف ولا حتي طمع
وعشان كده
...بتديق تديق
دنيا الأمل
ترفض تحن
لكني دايما مطمئن
جويا ألف يقين بإن
الأزمة نهايتها فرج
والديقة
بعديها وسع

الشاعر محمد أبو زيد الاسيوطي
شعور بالذنب
حاسس أني زي الكلب
وبلملم
في عضم الروح
وأنا منبوح
...في قلب شوارع
الزيطة
مشيت حافي وع الأشواك
وبتنطط
ومتخطط علي ظهري
أسي وعلامات
لعلي مات لكن نفسي
طالع داخل
مانا ساحل ومرسي
في بحرك الفقري
ومن فقري
أنا بتعض
من كل الكلاب
ع الأرض
لما العض فوق جسمي
صبح شبكات
وأنا اسمي صحيح
عايش
لكن إحساسي من جوه
من الكدمات
مؤكد مات

لشاعر محمد أبو زيد الاسيوطي
وانا حلمي المعدم
كالعادة مسالم غلبان
بندب في الحظ
اللي هزمني
تهتز
...كرامتي وتالمني
اصحي من الغفلة
اقول مين
مش عارف
ان كنت انا بحلم
ولا ادي طباع الإنسان
قسمة لامثالي
ومقسومة
ولا ادي نهاية ومحتومة
ليا ولكل المساكين

أول مشاركاتى كانت لابد أن تكون ردا لكم

كلمات رائعة أخى العزيز