متاسفين .. يااااااااااااااااااااااريس

ماتعيرنيش بالذل
ماهو اصله طال الكل
في الشكل من بره
والهامه محنيه
انا إنحنيت مره
وانت انحنيت 100
انت انحنيت رقاص
وانا من جمود الراس
ماوطيهاش حيه
..........
الكلمه نزلت
مابين الكتف بالبلطه
صرخ الجدع م الوجع
صوته .. عمل جلطه
متاسفيييين
ايوه والنعمه الشريفه لإننا
ديمن نقل ف أصلنا
وحتشتكينا لعمنا
إزاي ولاد الكلب
تحكم ع الخليفه ؟؟
إيوه والنعمه الشريفه
او يسألوه
او مين تجيله الجرأه
أو يعدم أبوه ؟؟
إللي يفكر يحبسه
ولا يفكر يلمسه
من غير ماعفريت يلبسه
ولا الملايكه يولعوه ؟
ماتوحدوه
..........
متاسفييييين
بألف قطنه
وألف شاش
لإننا ... ماتربناش
ومحتاجين
قراقوش يعلمنا الادب
رجلينا داست ع العتب
والباب حصين
زيتون وتين
متاسفين
احنا اللي دلدقنا اللبن
واحنا اللي كبينا العجين
احنا اللي خونه وماجورين
واحنا اللي كلنا ف بطننا
كل العجين
واحنا اللي ماشي ف دمنا
ميه .. وطين
متاسفين
لإننا مش وش نعمه
ومش تمام
وخدنا ناكل سفلقه
ومن حرام
زعق النبي :
الجوع غبي
فاتعلموا شد الحزام
وهوه يشرب دمنا ع الصبح
من إيد المدام
فطار شريف
وفطار امين
متاسفين
..........
متاخذناش .. عم الريس
قلقنا نومك وانت
تعبان م الشقا
من دق شرم ومن
طحين الغردقه
الرز قحطان م العطش
والميه جايه مغرقه
الخير وفاض ع الدلدقه
إسكت بأه
الخلق غارت مننا
والنعمه ماهي مصدقه
جايه لنا تستعطف سكن
قلنالها مصر محندقه
إسكت بأه
.........
ماتحسبهوش ..
مابن الخيرين حساب
إفهمنا يا ... عم الشباب
إحنا سامحنا ف حقنا
بس انت ترضا عننا
إنت أمنا
لما أمنا
فطمتنا من يوم السبوع
فربطت حبلك ضمنا
ولما حد يفكنا
يعقد بإيده المشنقه
إسكت ............بأه

الأعضاء تاريخ التسجيل : 30/09/2009 العمر : 64

ههههههههههههههههههههههههههههههههه

ساخر وجميل

متأسفين يا ريس على كل الحاصل مننا

انت صح واحنا غلط ويلا اشرب دمنا

دمنا مباح ما دمت انت صح واحنا غلط

بيع ارضنا واسرق رملنا وبيعه لعدونا

ماهو عدونا احسن مننا

هو حيديك بالدولار

وانت حتداخد مننا ايه

غير اننا منساقين مثل الحمار

حنقول لك ايه غير متأسفين يعمنا

بس اوعى تفتكر انك حتستنى كده كتير

لابد فيه تغير وسعتها لازم تغور

ولازم تبعد بعيد عن ارضنا وعن دمنا

اللى شربت منه كتير واحنا

واقفين ساكنين ومش قدرين

نقول لك منأسفين

الحال ده ميرضناش

وانت منعجبناش

ولازم تغزر ولا تستناش

احسن احنا اتخنقنا خلاص

من السحن السجان

ودمنا اللى راح بلاش

واحنا بنقول متاسفين لاننا كنا عليك

ساكتين

الابتسامة الساحرة كتب:

البهييه دائمآ .......الإبتسامه الساحره
طب والنبي كلامك حلو

ههههههههههههههههههههه

تعالي ياشجرة التوته
معايا حنحكي حدوته
عن البت اللي في البرواز
مغطي الصوره فرخ إزاز
مسحنا الوش بالفوطه
يا خلق الله
شفايقك ظبط ع النوته
حواجبك بسمتين ع العين
وخدك حمر القوطه

ههههههههههههههههههه

تحياتي

الأعضاء تاريخ التسجيل : 24/10/2011 العمر : 56

رائع شاعرنا الكبير مهندس عطيه شواش

كم تسعدنا بأسلوبك الساخر الواعى

دمت بحب

عزة الزرقانى كتب:

شاعرتي الجميله استاذه عزه الزرقاني
شكرا علي رقتك وعذوبة حديثك
تحياتـــــــــــــــــــــــــــــــــــــــــــــــــــــــــي

الأعضاء تاريخ التسجيل : 30/09/2009 العمر : 64

والبنت اللى فى البرواز

مستنية الحليوه تحت التوته

تحكى معاه الحدوته

وتقوله من بدرى بستناك

لاجل ما تاخد ايدى

وتشوف معايا ولادى

ازاى شيلين الفاس

وبيخضروا ارض اجدادى

لاجل ماتطرح تين وعناب

ويخلوا الارض جنة

ليا ولاحفادى

ويسود فيها الحب

بين كل الناس

والبنت اللى فى البرواز

مستنية تحت التوته

الجدع اللى حيحقق العدل

ويفول للظلم لاء

وخلاص عرفنا طرقنا

وبالامل والحب نبنى بلادنا

وتشرق شمس الحرية على كل الناس

الابتسامة الساحرة كتب:

الأعضاء تاريخ التسجيل : 09/12/2011 العمر : 42

تحية تقدير و حب الى ابداعاتك المتواصلة و كتاباتك الجميلة دمت بخير .

الشاعر اسلام المصرى كتب:

تحية تقدير و حب الى ابداعاتك المتواصلة و كتاباتك الجميلة دمت بخير .

اشكرك علي مرورك الطيب
شاعرنا الجميل إسلام المصري
تحياتـــــــــــــــــــــــــــــــــــــــــــــي

الأعضاء تاريخ التسجيل : 08/02/2012 العمر : 54

iiiiiiiiiiiiعههههههههههههههههه

ههههههههههههههه

يابن الأيه ياحدوتة

كلامك زى حدوته

بأغرف منه وبعبى

دا قبل مانام ...واشوف حبى

ودينى اشوفك .... وربى

لأقولك مرة عن ايه ذنبى

الأدارة تاريخ التسجيل : 13/12/2009 العمر : 58

الشاعر عطية شواش
نحيك لقلمك الساخر من اوضاع كثيرة
تركت بصماتها في قلب كل مصري
ومازلنا نعاني منها
شكرا لك لرسم البسمة علي الشفا
و مسح لمسة الحزن في قلوبنا
لك كل المحبة و التقدير

د /صلاح الطاهر كتب:

iiiiiiiiiiiiعههههههههههههههههه

ههههههههههههههه

يابن الأيه ياحدوتة

كلامك زى حدوته

بأغرف منه وبعبى

دا قبل مانام ...واشوف حبى

ودينى اشوفك .... وربى

لأقولك مرة عن ايه ذنبى

حبيبي الغالي دكتور صلاح مرورك مفاجأه اسعدتني..... شكرى لمرورك
تحيــــــــــــــــــــــــــــــــــــــــــــــــــــــــــــــــــــــــــــــــــــــــــــــــاتي

تمر حنة كتب:

الشاعر عطية شواش
نحيك لقلمك الساخر من اوضاع كثيرة
تركت بصماتها في قلب كل مصري
ومازلنا نعاني منها
شكرا لك لرسم البسمة علي الشفا
و مسح لمسة الحزن في قلوبنا
لك كل المحبة و التقدير

الاستاذه المبدعه كنوز
تعليقك شهاده أعتز بها وأشيد
تحياتي لك واشكرك علي مرورك الطيب علي عملي المتواضع
دمت بخير وتالق

الأدارة تاريخ التسجيل : 09/05/2012 العمر : 59

متاسفييييين
بألف قطنه
وألف شاش
لإننا ... ماتربناش
ومحتاجين
قراقوش يعلمنا الادب
رجلينا داست ع العتب
والباب حصين
زيتون وتين
متاسفين

.................
متأسفين وارحل بقى...كفايه هم ..لو كان عندك نقطه حياء ودم......
ماأروعك زعيم المبدعين ... كلماتك رائعه وتتلمسها القلوب قبل الآذان[b][i]

مبدع أنت وأكثر

محبتي

ماعرفنا خلاص ومشينا في سكه احلامنا

قولوا للناس مصرنا ويانا وقدامنا

بنحاول مرة نفهمها ونحاول مرات نعدلها

ونسيب الماضي لايامه

وكفايه ياعالم ماجرى له

وكفايه منه ماجرالنا

اخي الشاعر عطية شواش ابن بلدي

مبروك المنتدى ا لجميل واسمك منور هنا واشعارك بتتكلم لوحدها

فرصة عظيمه للشباب يتعلموامنك الو طنيه والشعر العامي الهادف

تحياتي الورديه والاخوية

مودتي واحترامي

وفاء امين

وفاءأمين كتب:

اشكرك اختي الفاضله والشاعره الجميله وفاء وجودك في منتدي تمر حنه اضافة لنا ...............تحياتي

Ibrahim Taghian Mohaed Ab كتب:

متاسفييييين
بألف قطنه
وألف شاش
لإننا ... ماتربناش
ومحتاجين
قراقوش يعلمنا الادب
رجلينا داست ع العتب
والباب حصين
زيتون وتين
متاسفين

.................
متأسفين وارحل بقى...كفايه هم ..لو كان عندك نقطه حياء ودم......
ماأروعك زعيم المبدعين ... كلماتك رائعه وتتلمسها القلوب قبل الآذان[b][i]

أشكرك استاذ ابراهيم مرورك اسعدني ............. تحياتي

عبدالناصر النادي كتب:

مبدع أنت وأكثر

محبتي

شاعرنا المحترم استاذ عبد الناصر تحياتي لك ولمرورك الكريم