قصيدة : قلوب صلصال

مابينى وبين سنين عُمرِك
جِدار عَازِل
نَهار فاصِل بيفصِلنا
ويعلن توبة السِكة
تموت الضحكة
سيبانا فِ حُضن اشواق
وليل مُشتاق
يصلى الفجر ويسبٍّح فِ حُضن الكون
واكون انا وانتِ بسماية
على خد النهار تطرح
منين افرح؟ وانا شايف لقاكى خريف
سحابة صيف
وواخدة احلامى وياها وعود
ووجود سابح فى بركانك ورود
تلمس خدود النور
وتسحرنى ف مكانِك
يابلاد حزينة بتبتدى
من وقت اعلانى صبى
من وقت ما حطيت خيالى ع الطريق
اتقدمت لاقدام وقدمى لسه بتغازل تراب الحلم لابيض
لما تتبعتر على وشوش البنات الخارجه من دمى
تِسامِح
ترسِم ملامح شُوقِك الوردى اللى فاضح
عِشقك الطٍّارح خجل
ماتزرعيش الوهم فى حِفانى أمل
تتوضا بيه كل الامانى
وتنحنى
قدام سهارَى الليل
حيارى الأسئله الخارجه طوفان
تعشق ببان النور
وتكتبنى حروف
احلم بشوف الحلم واهرب انى اشوفِك
مش عاوز اكون فارس
وحابس كل اشواقى ف ميدانك
خيوط تايهة
بلا معنى
نقرّب منها
توجعنا
نصدق اننا وِصلنا
نصاحب شوق يِرَجّعنا
سنين مشتاقه لرجوعنا
نبات نحضن فى طيف الحلم
ونغنى غُنا الترحال
قُلوب صلصال
بلا دقات
ولا مرسى لمراكب شوق
تدوق البحر بلسانها
تفوق
وفوق قُبة وَلِى بترسّى
قلوب بتدوب
لا منها وصال
ولا بتنسَى

قلوب صلصال ومفيش محال انها دايبة تحب

النصر نور ونار وتار
شكرا يا ام القلب الكبير
عزة الزرقانى

قُلوب صلصال
بلا دقات
ولا مرسى لمراكب شوق
تدوق البحر بلسانها
تفوق
وفوق قُبة وَلِى بترسّى
قلوب بتدوب
لا منها وصال
ولا بتنسَى


الشاعر الرائع محمد على قصيدتك عيشتنى فى حالة وواجهتنى بحاله مختلفة و رجعت تانى للحالة الاولى

ما اجمل ان يختلط حب الوطن بحب الحبيبة

و ما أجمل كلماتك دام أبداعك

شكرا كرم أبو اليزيد
قلوب بتتمنى الوصال