عايزين فلوسنا

موضوع: عايزين فلوسنا الجمعة مارس 02, 2012 12:58 pm

(عايزين فلوسنا)
سعدالشرقاوى
صاحب الجنيه بتلاقيه فى الدنيا له قيمه
والناس تشوفه تلاغيه ويفكــّروه قيمه
والكلمه تخسر عليه لو كات بدون قيمه
الجهل لمــّا ابتدى حسِبْ الرجال بالقرش
والدنيا حالها كده راح كل شئ بالقرش
والندل وسط الرجال تمنه مايسوى القرش
واللىّ كبيره القرش م الآخر مالوش قيمه
,,,,,,
من اِمته كان الجنيه يحكم ويتحكــِّم
وصاحبه يعمل بيه فى الخلق يتحكـِّم
وياخدُه سيفه على كيفه ويتحكم
والناس تهيبُه وعينها تبُصْ على جيبه
ينسى المروأه وفاكر ع الدّوام جيبه
يقع أخوه فى الخطر مايوطىّ ويجيبه
وان شاف قريبه تلاقيه يسْخر ويتهكــِّم
,,,,,,
الناس فى محْنه وهوّ ع الدّوام خالى
والقرش سيطر عليه صار م الادب خالى
ولا مرّه واحده تلاقيه قال عمىّ ولاخالى
ماحاولش يوم يتــْعدل ولا حتىّ بيْجرّبْ
ولا خدْ طريقـُه العدل لوْ حتىّ بيْجرّب
زمان سمعنا مثل موزون ومتــْجرّب
اسأل مجرّبْ ولا تسأل طبيب خالى
,,,,,,
لوْ الجنيه يخدعك ياخدك على الاعدام
مانفعش قبلك بشرْ كان حكمهم اعدام
ولا كان كبيرك وخدْ غيرك على الاعدام
ياما فيه كبار فى البلد عاشوا على فلوسنا
أكلوا غدانا ورجعوا يحلــّوا بفلوسنا
لا عدْل طولنا ولارجعِتْ لنا فلوسنا
عايزين فلوسنا وبلاش السجن والاعدام
,,,,,,

الأعضاء تاريخ التسجيل : 21/02/2012 العمر : 62

أخـى الـشـاعـر

الأســتـاذ

سـعـد الـشــرقـاوى

فى ردِّى على مـوضوعـك الـرائـع الـسـابـق قـلـت :

لـقـد ذكـرتـنـى بـعـمـنـا سلـيـمـان غـريـب ( شـاعـر الـفـلاحـيـن )

وهـذه الـمـرَّة رأيـتـك فـى قـالـب جـديـد وجـمـيــل

أقـرب لـلـقـالـب الـذى يـتـغـنـى بـه عـمـنـا ( يـوسـف شِـتـا )

عــايـزيـن فـلـوسـنـا .. إحـدى مـعـزوفـاتـك الـشـعـريــة

ودائـمـاً أنـت شـاعـر الـتـوتـة وشـاعـر الـوطــن

شـكــراً يـاصـديـقــى الأسـتـاذ سـعـد الـشـرقـاوى

( حـمــدى )

الله الله يا استاذ سعد امتعتني فاسعدتني

تحياتي لإبداعك

الأدارة تاريخ التسجيل : 13/12/2009 العمر : 58

أهلا بك
الشاعر سعد الشرقاوي نورت حروفك المبدعة
منتدي كنوز تمر حنة
و اسعدنا تواجدك بيننا
نرجو أن تمضي معنا وقتا ممتعا
شكرا لك
لك كل المحبة و التقدير

مشرف تاريخ التسجيل : 07/10/2009

لحروفك رونق يشدنا اليه
و نغوص في حروفك الجميلة
تحياااااااااااتي

» ليه عايزين مرتضى منصور رئيسا لمصر