(( قعده عرفيه ))

( قعده عرفيه )
السعيد جميل الزهرى

بعت الربيع للشتا على قعده عرفيه

يحكم ما بنهم صيف والجلسه علنيه
بدء الربيع بالكلام بعتابه ع الأيام
سمّمت لى الأحلام والدم بقى ميّه
*****
خليت غنايا بكى واللحن والأشعار
والحلم راح وإشتكى من حزنه ع الثوار
والورد وقت الأوان مالقاش معاه ألوان
والنحل جاله زمان مايشم فيه أزهار
*****
بكيت جدورالسّجرنسيته أفراحه
وفرْعه لما أنكسر ذوّدت ف جراحه
قليت منام الطير هاجرعلى غيرى
وأنا اللىّ خيرى مغطىّ العشْ وجناحه
*****
قعد الشتا مكسوف والرعشه كت وخداه
لابس عبايته الصوف والرّعد كان جواه
والبرق فى عنيه يصعب عليه فصله
بـينـْعى أصله اللىّ كان خيره بييجى معاه
*****
قال الشتا للصيف من أمّتى كان ظلمى
قضّيت حياتى بأضيف للأرض من دمى
عايش فى وسط الريح متْغطى بسحابى
صبحم صحابى بشر الدنيا تهمنى
*****
نطق لسان الصّيف بالحكم يا ساده
وقال دا فرح الربيع بعد الشتا عاده

ولا شفنا يوم العيب فى الدنيا وسنينها
بس إلّلى سكننها سقوها مر بذياده
*****
واحد يلم الشمل ويحافظ على ترابها
غيره يهد الأمل وبيسعى ف خربها
يوقع حطان السنين ويشرد أحلمنا
وبيهدّى أيامنا كاسات الظلم تشربها
*****
قوم ياربيع الشباب وأقّطع خيوط المر
كمل طريق أبتدى بروح الشهيد الحر
أفرد شباك العمل لون ورود الأمل
دا النصر ما يكتمل لو فكرنا بيضر
*****
[center]

قال الشتا للصيف من أمّتى كان ظلمى
قضّيت حياتى بأضيف للأرض من دمى
عايش فى وسط الريح متْغطى بسحابى
صبحم صحابى بشر الدنيا تهمنى

مبدع شاعرنا جميلٌ أن تتدافق الكلمات بتلك السلاسة

ولملمت قصول السنة اثوابها وراحت

وقالت حتيجى سنة جديدة باوراق جديدة

والشجر فيها يطرح زهور وورود

وكل ورده خدت لونها بدم شهيد

واللون الاحمر ملا ساحة الميدان

من اجل متكون الزهور الوان

وتلبس الارض اللون الاخضر

رمز الحب والحرية بعد ما نمحى اللون الاسود

بعد ماساد اللون حياتنا

وخد منا اغلى شبابنا

زهر الشجر بالخضار من جديد

جاء الربيع وقال للشتا ويا الخريف

معدش لك مكان بغيومك ورعدك

انا جيت اخضر الارض اللى اتروت بدم الشهيد