غلطان
ياقلبي , وياما قلتلك ونهيتك وشرحتلك
تبعد
عن الحب ودروبه, مش دارك دي ولا سكتك
بس
انت دايما عنيد,, وآدي أخرةعنادك و عملتك
شفت
أخــرة عنادك...وعرفــت نهايـــة شغلتك
قلتلك
خليك هنا ... سعدا.. ضحكتي مع ضحكتك
نقسم
الفرحة بينا ..وفي الحزن أمسح أنا دمعتك
نسيت
عشرتنا سوا و لهواك طرت وفكرتها جنتك
وسبتني
أقاسي وحدي أهات وويل في ليل غربتك
كنت
أبكي ليل طويل وأسمع كتيــــر صدى دقتك
وأقول
يمكن لعقله رجع ونسي خطه وفهم كلمتك
أتاري
كنت بحلم في ليلي ونهاري وأشتاق لحنيتك
فاكر
يا قلبي...فاكر كلامها عنك...فاكــــر كلمتك
كنت
تيجي تقولي كتير عنها.. وحتما ولازم أذكـرك
تقولك
بحبك..وبحب سيرتك...وهي بتخدعك !!
تقولك
أنام في حضنك وألمس ايديك لأ لأ( بعبدك )
وأبوس
في خدك وأعشق عنيك يا خسارة صدقتك؟!
والنهاردة
جايني أعملك عزا بعد ما اكفنك وأدفنك
ولا
علـى نفسـي أدوس... وأواسـيك وأصبـرك
عرفت
إن مافيش غيري تحكيله وتشكيله حرقتك
ومين
غيـــري هيضمك ..ويرجعلك سنا بسمتك
بس
رجعت حزين ,وسايله على خدودك دمعتك
وجرحك
غايرودمك سيول بتجـري علي جبهتك
معلش
ياقلبي آخـــرة عذابي وعذابك من سكتك
كفاية
بكـــا ونـــواح ...كفايـــه عندي رجعتـــــك
هضمك
لحضني وعليك هحاجي لحين تعود قوتك
بس
حاذر ل تجيلك واحدة تانية تغريك وتضيعـك
**********************
عاطف نوفل ابن
النيل
مصر ـــ المنصورة
