ملحــــمة الميدان ،،،
عاطف نوفل / ابــن النيـــــل
***************
تعرف يعني إيه ميدان؟؟؟
يعني اسطوره
ملحمه
فوهة بركان
اسطورة
حدثت هنا
في القاهره
أم الدنيا
أجمل مكان
بركان ثار
قبل الظلام
في وسط النهار
وحـــدث طوفــــــان
والبدايه....
شباب رفض الذل
ورفض الهوان
اتجمعوا
حنا مع حسان
ابراهيم و حمدان
جورجيت و اســمهان
شاب وفتاه
ســـــيان
قالوا : عايزين دم سعيد
الإنســـــان
ونزلوا الميدان
صرخوا صرخه زلزلت المكان
وبصيحة واحده سطرها الزمان
وحروف من نــــــور سجلها كمان
( سلميه ...سلميه ) يا اجمل عنوان
قالـــوا : عايزين حقنا وأرضنا
عايزين تارنا ودمنا
كرامتنا و مصــــــــرنا
عايزين عزنــــــــا
ســمع العـــالم الصـرخه من هنا
ودوت صداها بربـوع أرضـنا
وقــــف الزمان
والعالـــــم تعظيم ســلام
مذهـــــــول مننا
مبســـــوط
فرحـــان
وقال : شرف لينا
وفخر لولادنا كلنا
هو دا المصـــــــــري اللى لازم يكون معانا
ومكانه أدامنا
مش ورانا
والشـراره اندلعت من بلد الغريب
لابو العبــاس
لعروس الدلتا عندنا
وم الشرق للغرب
م الشمال لأسوان ســحرنا
و عشقنا
واشتعلت الأرض كلـــها
من حبنــا
سمع الريس الخبر
جمع الحاشيه كلها
يتكلموا
يتناقشوا
يدبروا
ويخططوا
وينفذوا
والصبيان اتكلموا :
ياريسنا
يازعيمنا
ليه تبتئس ؟؟
ليه تنزعج ؟؟
احنا لها
شوية عيال
يخربوها ويقعدوا على تلها
واحنا لسه قاعدين على قلبها؟؟؟!!!
حبيب : اعطيني أمر
وأنا أقدر أحلها ،،
روح
اخربها
احرقها
دمرها
هات عاليها في أرضها
والعيال دي
اسحلها
اقتلها
اشرب دمها
ماهي شغلتك
متعود عليها
والأدرى بها
جمع فلوله واعوانه
من شتات الارض
من شرقها ومن غربها
والشباب السمر الشداد
بصدور عاريه
وقلوب عامره بالإيمان لحلقها
قالوا : مفيش فايده من كل ده.
احنا ولاد الأرض السمرا
نفديها بروحنا
وبدمنا
هيروح شهيد
عشره
ميه
ألف
مش مهم عندنا
وسقط الشهيد
وبدمه عطر أرضنا....
.وتفتحت الزهور
بعبير دمنا
وزرع الأمل
في قلوبنا كلنا
الريس قال : الوضع خلاص
هينفجر فينا كلنا
مين بالحل
يشور علينا.
ويدلنا ؟؟
قالوا : النائب عينه
والغي الطوارئ
واخرج لهم
يمكن يحلو عننا
أمر رئاسي :..
الفريق سليمان نائبنا عندهم
واللوا شفيق.. كمان
ويخرج لهم
أبطال من جيشنا الهمام
يمكن العيال يمشوا
ويروحوا
وينسوا اللي كان
اثنين أصاله
شهامه
أمانه
بجد... ولاد بلد
بس مش للزمان ولا المكان
والسفاح
ياخد كاسين خمر معتقه
وسهره سودا جنان
وربع صليبه
ويفنن لنا
والعز وجمال وشريف
يكونوا سندنا وضهرنا
بس في المصلحه قبلنا ؟!!
والسفاح شرب الهباب
واكيف تمام التمام
وبقى آخر مزاج
وروقان
قال خلاص لقيتها
وازاي كانت غايبه
عني من زمان
لازم نرجع الزمان تاني
أيام أجدادي
والعجله تدور
للخلف مش للأمام
تفكير فنان
نجيب الهجن والفرسان
وفي عز الليل ينزلوا
من عزبة السمان
عـ الميدان
ومعاهم شويه ننقيهم
عـ الفرازه بسلاح زمان
ياااااه عـ التكتيك
,,,,,,,, شيطان
ونزلوا بالغدر .
.سكاكين وخناجر
سـواطير وسيوف
سلاح زمان
وسالت الدماء الطاهرة
وجرت جداول
وصارت شريــــــان
ورجعوا الخاينين
الموكوسين
خزايا
متحسرين
ندمانين
الريس :
رجعتوا بالحسره
والندامه!!!
فين السفاح ؟؟
ياريتك م اتهببت
ولا اتنيلت شربت
ولا اكيفت كمان
وتقولي:
تفكير فنان
تكتيك شيطـــان
يا الله ..
اخرج م الباب
اللي جيت منه زمان
بس لليمان
وجيشنا الهمام
حامي أرضنا
صاين شرفنا
وعرضنا
حرس الميدان
وأتباع السفاح
الجبان
الشيطان
فروا م الميدان
بلا عنوان
الريس :
إيه الحل يا جيشنا الهمام ؟؟
إيه الحل يامشير؟؟؟
يافريق سليمان ؟؟؟
ما عادت حلول ياريس؟؟؟؟؟؟
الأرض بتزأر
بتصيح
بتتألم
والشباب بيزلزلوا الميدان
( إرحل ........ إرحل )
خلاص ياريس
بتقولوا خلاص؟؟؟؟!!!!
يعني انتهى حلمي؟؟
وحلم جمال ؟؟؟
وحلم سوزان؟؟؟
طيب..
نادوا عـ الولاد
يتجهزوا
وما ينسوا الشنط
واعطيهم أمان
ولعلاء
قوله خلاص
لم الولاد
ويا الله نشوف
لنا مكان
مكان يلمنا
– لوسابونا -
نروح السـودان
أو حتى باكستان
ما تخيلت نهايتي
بيد ابني...جمال
والست سوزان
وعصابة جرذان
وقول للست:
انت والمحروس
ابنك الهمام
حسبي الله
عليكم الديان
يا لله ياست
يابنت ثابت
للأصل نرجع
ياسوزان
نسافــــر
نهاجر
نعدي الحدود
قبل الليمــــــــان
( سـوزان ) :
فين يابو عــــــلاء ؟؟
مفيش غير البشير
والســـــــودان ؟؟؟؟
هتكسري كلامي تاني
ماراح اللي راح
وبقيت مسكين
غلبان
يابو عــــلاء :.
نروح الشــــرم
عند اخطبوط الغـــــاز
حسين دا ( مان )
وفي الشـــرم ...
يااااه ع الجمــال
يااااه ع الجنان
وعلى سحر المكان
بس ياخساره
جنه بـلا روح
خيال انسان
مهموم
تعبان
لاخدم
ولا حرس
ولا تحيــه
ولا هيلمــان
سكــــون مخيف
صمت قبـــــــور
مرتع للبوم
وللغربان
لاقــــريب
ولا بعــيد
يقرب
ولاحرس (كأجرب بين جنان)؟؟؟!!!!
وفي قصــر الغربان
مبارك:
خلاص ياسوزان
العقد فرطت حباته
وكله بيروح ...
ع الليمان
وابقي فكريني
نعمل هناك جمهورية
لأ... اتنين
نحكمهم هناك.
في نفس المكان
ومفيش دستور
ولانائب
ولاطوارئ
ولاسنين حكم
ولانخاف عصيان
وكل الحبايب
هناك متجمعين
واصحابنا
وخلانا
بتوع زمان
تحكمي سجن النســـا
وانا أحكم طــــره
وما نخاف في يـوم ندان
ونعلن حزب ( ليماني )
ونورث جمال
الحكم من تاني
ونبني مضيفة كبيره
تسع الأحبه
اللي من بره
هيرجعوا هنا .... تاني
ونشوف
البرش .... والخيشه
ونكمل حياتنا هناك
سمعاني ؟؟؟؟!!!
يالله نمشي ياست ؟!
نروح
على فين يابو علاء؟؟
على طره والنسا
ياسوزان
والميــــــــــدان....
هايج
ثاير
فرحان
بالأهازيج بيغني
وبيعزف أجمل ألحان
انتصرنا
والغـمه انزاحت
ورجع لينا
الأمن والأمـــــــــان
ونترحم لشهـدائنا
اللى سبقــــونا فوووووق.
في جنة الرحمن
بس لينا لســـــه حقوق
حق الشهيد
ومصر
والإنسان
لازم نطهــــر أرضـنا
مصرنا
ونرجع حقنا اللى اتسلب
واتنهب زمان
والخونه
واللصوص كلهم
واللى اختفي منهم
لابد وحتما في طـــره
الكل يظهر ... ويبان
وبحكم عــــــــــادل
وحــــق
لافيه زور
ولا بهتــــان
ونرجع تاني مصرنا
لعزها .... ومجدها
وريادتها للأوطـــان
وعهدا علينا
يا أرضنا....... ياحـــرة
ياأبيـــه...... يا فلسـطيــن
ياهوى أرواحنا
ياشجن قلوبنا
ياقـــــــدس
يا يافا.... يا جنين
لنحررك بدمائنا
وفي سبيلك تصعد ارواحنا
لرب العـــالميـن
ونطرد الكلاب الضـــــاله،
اللي دنسوكــي
ونطهرك ..... يا طاهره
ولو بعد حين
وفي الأقصـــــى
نصلي بعـــــــــونه
ثم بجهاد المؤمنين
الصابرين
قولوا آمييييين
************
************
... ابن النيــــــــــــل
