::
الدرس انتهي لموا الكراريس
والحبر خلص ومفيش تهييس
وعيال قاعدين زي الملاحيس
طالعين نازلين جوه الاتوبيس
..
اتوبيس مسنون بيلف الكون
سواقه سعيد وكمان مجنون
من غير بنزين ولاحتي صابون
يطلع عالحيط زي البالون
::
كلنا قاعدين عايشين جواه
رايحين جايين وشاددنا معاه
ويلف يدور نطلع ف حماه
ويطير في السما ونقول الله
::
ماهو أصله كبير وعلينا غفير
وآهو بيتنا كبير مدهون بالجير
قاعدين وياه وفاكرنا حمير
والدرس انتهي طبعا يا... كبير
...............(( يسري الفار 10 /2012/9 —
