.. حبيب حروف الهجاء

.....

بكتب لحروف الكلام كلها واقول وصفها بكلماتى
استأذنك يا حروف الهجاء اجيبك هنا فى حياتى
بحرف الالف بيبدأ بيها الكلام بكل كلام أهـــاتى
وحرف الباء بيقول وبيحــكى بحبى فى روايـاتى
والتاء تاء تأنيث بتبان معـاه صفين اللولى بشفايفى
والجيم مع كسرها هى جميلة دايما بحروفك بحكاياتى
وال ح حكايتى داخل كل الحروف بأغلى حبيب حياتى
وال خ هو خالد مخلود فى القلوب موجود يا خلّى فى صوتى
وال دال هى كلمة مسكونه اخر الكلام لتأكيد حروف كلامى
وال ذا بتذيدنى محبة بفتح الشفتين بابتســــامة الهامى
وال را مجروره أخرة الكلام لروعه شجنى ولهفة احساسى
وال زا هى زيادة قهوتى بمحبتى بكل حروف الهجاء ليكى
وال س نشدها بالشدة لتحت لتبقى سيدتى وتاج راسى
وال ش شايل هموم الفراق لبعادك عنى بكل حكاوى اصحابى
وال ص هى كل صباح اصبح بيه كل يوم على اميرتى ومولاتى
و ال ض ضميرى دايما بحبى ليكى بقصايدى واشعارى
وال ط انك بقلبى طاير بالسما وبين النجوم ياشجـنى واهاتى
وال ظ ظالمنى ومغلبنى بزعلك دايما لى بدموعك ادامى
وال ع عالى ومنور كل حروف الكلام وتتكون بها قصصى وروياتى
وال غ غيابك وفراقك يا اغلى من النجوم بنورها بسمائى
وحرف ف بيقول فاكرنى بخيالك ولا فاكر بس دموعى وذكرياتى
وحرف ال ق قليل الحيلة معاك وبحبك انا عايش سعيد باحبابى
وحرف ال ك هو كامل الاوصاف يا عينى عليك بقصايد افكارى
اما ياحبيبى حرف ال ل فهو لمتنا بكلامنا مع اصحابنا باشعارى
وحرف ال ميم مجنون انا بيك وبحبك متنيل على عينى
وحرف النون نون تأكيد لباقى الحروف بضمتها بتكمل اشجانى
وحرف هه هى ضحكتك وابتسامتك بكل كلامك بحكايتى
وحرف الواو هى ولعى بحبك ومن غيرها بتسكت كل حروفى
ولا ممنوع ذكرها اول الكلام للنفى بكل الحروف يا ملاكى
والياء باخر الكلام هى بقفل بيها الكلام بحروفها بكلامى
وكل الحروف يا حبيبى مخلوقه لتقولك انك حبيب قلبى وحياتى

-------------------------------------------------------------------------

بقلم / محمد لبيب مصيلحى