::خـَــــــــيـِبـّة بـــــــــَــــــــــلـــــد
:::::::::::::::::::::::::::::::::::::
زي بدله مِرئّعَه وترزي بيفصل قوانين مع قُماشَة مقطعّه
وبلد ضاعت في الضلام مصيبتها سودة مِسَمعّة
وناس قاعدة في الطريق لكن حقيقي مِشَعشَعّه
قاعدين مع حجرين وشادين نفس في شيشة حِمِي مولعّه
وبلد في ريح لكن صحيح كانت الحقيقة موجعه
والشعب ثار والدم فار جوه العروق مع الايدين متجمعّه
ورصاص بيطلع من جديد ومعاه شهيد هيه الحقيقة مفجعه
ومعانا نخبه ياليله سوده جوه الميدان متهندمه ومتلمعّه
كل واحد منهم طمعان لكين مش لاقي حد يِشَبعُه
والخيبه تقلت في الميدان جوه المكان مع الحيطان الاربعة
متلمعه وجواها طين وكمان عجين ومقلمه ومضلعه
وبلدنا مشدوده بأيدين مش مخلصين جوه البيبان متقطعه
ونروح لفين نشكي لمين وصاحبنا ماعدلوش منفعة
وكلنا قاعدين نهيص من غير رئيس هرب وراح في المعمعه
وصاحبنا قاعد جوه قصر في قلب سور من بره بابه مدرعه
علي راي صاحبي اللي قال سبنا الخروف متمسكين بالبردعه
............................................................... يســـــري الفــار —
