ثورة شعب

ثورة شعب عاش متهان
سنين طويله عاشها حيران
بين ذل وفقر وقهر وكمان
حكومه ظالمه وهو غلبان
قتلاه سرقاه نسته انه انسان
ظلماه حبساه ورا الف حيطان
خلته من الذل والقهر مليان
ومن الحكم الظالم صار بركان
يغلى من جوا واتحدد لنارة اوان
فى يوم احتفال الظلم بالطغيان
انفجر فى وش نظام تلفان
خرج بالحق ومش ندمان
حلم ببلده تديله حنان
شاف الموت بعنيه الوان
رصاص الغدر فى كل مكان
واطقطف الورد من البستان
على ايد جبروت كان فاكرهم جرذان
وحماس الشعب صار جنان
لما لقى نفسه تانى هيتهان
قال اموت بشرف مش هعيش جبان
انا مصرى اصيل مش هخاف الطغيان
هموت شهيد وفى قبرى فرحان
لما يابلدى تتخلصى من الهوان
بس ياخسارة نفس الزمان
رجع تانى وبقيت يامصر ندمان
على حقى اللى ضاع وهان
بعد ما وقفت فى وش النيران
وبقيت غريب مليش عنوان
واسمى اتمحى من الميدان
وبقى يتقال عليا دا كان
اسمه يتقال مع الألحان
ومليش ذكرى فى اى مكان
غير قلب امى اللى اتعصر من الاحزان
واتكتب على بلدى تعيش فى هوان
وامتى يا مصر تسوفى امان
الظلم عشش فى كل مكان
مع انه اتحرم فى كل الاديان
شعبك قالها مش هينام
غير لما تبقى مصر اللى فى القران
وتانى يا بلدى انا مش ندمان
يامصر ياامى انا بس زعلان
ان كله بيتكلم بالف لسان
ووقت الجد مليون جبان
يضرب فى ضهرط اصله حيوان
وتاريخك يا مصر بقى طى النسيان
دا كلامه هو اصله لسة غفلان
وناسى انك يامصر اشد البلدان
والله يامصر هيرجعلك الامان
على ايد ولادك الاحرار الشجعان
مهى ثورة شعب عاش مظلوم
بمليون قانون ياناس محكوم
الحياه قدامه مليانة غيوم
والصوت فى القلب ياخلق مكتوم
والقلب نفسة اتملا هموم
والحق ما ضاغ دا بقى معدوم
والشعب على نفسه ياناس بيلوم
من قله الحيله كلامة مهزوم
قال خلاص الحق هيبقى معلوم
من حقى فى بلدى مش هرجع تانى محروم
وصوتى هينور سما مصر زى النجوم
ثورتنا سلميه يا ظلم ما هتدوم
ارحل ياظالم كفيانا هموم
والنظام لقى نفسة مصدوم
بشباب هتافه صدى ملغوم
واتشل النظام كما المسموم
ملقلش مفر غير الهجوم
والضرب هيج كل مظلوم
مهى ثورة شعب عملها شباب
شاف مستقبله كله عذاب
عاش فى بلدة زى الاغراب
لف يدور ملقاش ليه اصحاب
حلم يلاقى فى بلدة احباب
وفاق على الف كابوس من خراب
كابوس قفل فى وشة الف باب
وكابوس مكشر ليه الف ناب
وكابوس الحياه عالم ذئاب
وفى الاخر ملقاش لنفسه فيها حساب
قال كفايا يابلدى حلمى مش سراب
وعمر راسك ما تندفن تانى فى التراب
همحى منك يامصر كل الضباب
اللى خلى بين خير وبين ولادك مليون حجاب
صوت الحق طلع فى السما زى السحاب
وتمن الحق كان دم الشباب
مابين كام شهيد والباقى مصاب
من دم الق يامصر اشربى احلى شراب
مهو حاكم مشى والتانى بيقرا من خطاب
نص كلامه مكتوب فى كام الف كتاب
توهنى عن الحق وبرضه مش لاقى احباب
وعد بالتغيير وكل كلامه داب
لما ركب موج السلطه كل كلامه بقى سراب
بقلم الشاعر/محمد شاكر